I ga aso o id Schueu!

Sorry, this post is only available in Swissgerman :-)
----

So, miner liebi Schwizer!

I ha vereinzelt feschtgsteut, dass ä fausche Idruck vo mim Semester da obe entstande isch. ;-)
I ga aso o id Schueu! Und i ha geschter und hüt Schwedischprüefige gha... Z Läbä da obe isch aso nid nume Party! Drum hani iz o mau no es paar Föteli vom Univeristy College of Borås gmacht...
I ha das bis iz ungerla... Schueu isch ja nid so intressant. Aber mittlerwile fühli mi scho fasch zwunge mi z Rächtfertige ;-)

Okei, de weimr:

Prüefigstischornig (wi isch das scho wider gsy ir FHSO?)
Prüefige si o da obe nid würklech fägig
PIMP Andi mit Gabi und Pia
Mittagstisch nach dr Prüefig (ume Tisch ume vo links: Mabel (Sp), Hannes, (D), när wäri eigetlech z Gabi dört aber es isch gad chli schüch gsy, Andi und Pia (D), Master Sam himself und Barbara (hmm... s het hert das z schribe...: vo österrich...)
S git mehreri Departments bi üs, hie z Business Department Gebäude
Library Department
isch es nöis Gebäude
mä darfs architektonisch aus sehr glunge bezeichne (nomau e Gruess ad FHSO)
Iigangsbereich vom Library Dept.
Liechtdürflueteti Iigangshaue
miträ warmä Fänschterfront
und no d Siteaasicht vor Library

Mis WG-Zimmer het o e chlini Erfrüschigskur erfahre, s isch vorübergehend mau uf schwedisch trimmt worde :-)
houptsach nümme so stier im DDR-Stil ;-)

Hoffe es geitnech aunä guet und HAPPY BIRTHDAY PAPA ;-)

Ä liebe gruess, Sam